Koronaepidemien gjorde at besteforeldre ei tid fekk mindre kontakt med barnebarna sine enn tidlegare og ønskeleg. Det var derfor ei gladmelding då statsminister Erna Solberg i mai ga grønt lys for at besteforeldra kunne vere saman med barnebarna sine igjen.
I sommar har mange besteforeldre feriert saman med barnebarna sine. Det har vore til stor glede for både besteforeldre og barn, men det har og for nokre barn vore mindre trivelege opplevingar på grunn av alkoholkonsumet til besteforeldra.
Ein del besteforeldre drikk mykje alkohol sjølv om dei er saman med barn, og det skaper utryggleik og mistrivsel for barna.
