LIVSSYN: Mange privatskular som søkjer om å starta livssynsskule, gjer det på grunnlag av humanisme, ifølgje regjeringa.
Gorm Kallestad
Regjeringa fryktar friskule-fusk. Vil stramma inn
For å starta livssynsskule må søkjarane kunna dokumentera reell livssynstilknyting, ifølgje nytt lovforslag frå regjeringa. Datatilsynet er skeptisk.
I 2022 fjerna regjeringa mogleiken for oppretting av såkalla profilskular, det vil seia skular med ei særskild fagleg satsing, som til dømes idrett, musikk eller realfag.
Etter at denne lovendringa kom på plass har regjeringa observert ein auke i talet på søknader om etablering av privatskular med livssynsgrunnlag.
Av dei 17 som har søkt om godkjenning av ein ny livssynsskule så langt i 2025, har ti søkt på grunnlag av livssynet «humanisme».
