Debatt
VALG: Senterpartiet er ikkje lenger eit aktuelt alternativ for dei som er opptekne av vår kristne kulturarv, meiner KrF-politikar, Karl Johan Hallaråker (biletet).
Silje Rognsvåg
God politisk kommentar frå Sp-politikaren, men…
Sp-politikar Ole Paulshus, Våler, har eit viktig innlegg på Dagen nett 9. juni. Det er berre eit stort men i denne samanhengen. Realitetane i dette innlegget må også rettast mot hans eige parti, Senterpartiet. Mange hugsar mantraet – «i Stortinget kan vi samarbeida med alle sak for sak, i regjering er vi medansvarlege for og må vera samde om alle saker time for time. Unnataket er om eit parti tek dissens.»
Det er rett som Paulshus seier, at arbeidarpartistatsrådar har angripe fundamentale og sentrale kristne verdiar. Det er tydeleg at det er dei kulturradikale som nå styrer Støre sitt Ap. Men det er regjeringa med Ap og Sp som er ansvarlege for alt. Vedum, Toppe og co. har ikkje teke nokon dissens eller verna vår kristne kulturarv på noko område.
KrF med Jon Lilletun som statsråd tok dissens då Sp utnytta K.M. Bondevik sitt kloke leiarskap og Sp og Anne Enger Lahnstein mot all innstilling køyrde gjennom utnemninga av Stålset i si tid.
