STAGGA: Narendra Modi (biletet) har verken mot eller vilje til å stagga dei kreftene han har sleppt laus og fått hjelp av på vegen mot fornya makt, skriv Johannes Morken. På biletet er Modi saman med USAs president Donald Trump.
Susan Walsh, AP / NTB Scanpix
Farleg indisk nasjonalist
India må gjerne ta sin plass som økonomisk stormakt. Men Modi er i full gang med å trakka på minoritetane og på viktige verdiar det moderne India er bygt på. Det bør få alarmklokkene til å ringa.
Både vi og Indias religiøse minoritetar har grunn til å vera redde etter at nasjonalisten Narendra Modi får ein ny femårsperiode med makt.
Noko av det viktigaste Modi og partiet BJP har gjort sidan dei kom til makta i 2014, har vore å fyra opp hindunasjonalistiske krefter som verbalt og tidvis fysisk angrip muslimar, kristne og kastelause dalitar.
Sjølv har Modi brukt valkampen til å polarisera samfunnet, han er Indias utgåve av Donald Trump, noterer The Washington Post.
