IKKJE PENSJONISTAR: Songevangelistane Marit Stokken Berland og Irene Krokeide Alnes har reist i lag i 45 år. Dei ynskjer framleis å gå vidare med Jesus.
Karl Almedal
45 år som «Marit og Irene»
Sidan hausten 1974 har Marit Stokken Berland og Irene Krokeide Alnes reist landet rundt med bibel og gitar. Denne veka er dei på Lyngdal Bibelcamp.
Vi møter dei i den nye ungdomscaféen «Eden» på Lyngdal Bibelcamp i Vest-Agder. Her gjer dei klar til 70-årsfeiring for Jarle, ektemannen til Marit. Dei er travle med førebuingane, men tek seg tid til å oppsummere 45 år i teneste.
I 1974 gjekk Marit Stokken på Indremisjonsforbundets bibelskule i C. Sundts gate i Bergen. Då fekk ho spørsmål frå Birger Aadland, som då var generalsekretær i Det Vestlandske Indremisjonsforbund, om ho kunne tenke seg å halde eit møte saman med songevangelist Irene Krokeide. Stokken hadde aldri møtt Krokeide, men ho sa likevel ja.
Det vart starten på eit 45 år langt vennskap i teneste saman.
