MF og kyrkjeleg teologi – eit spørsmål

For litt sidan skreiv eg ein artikkel med bakgrunn i MF-professor Asle Eikrem si forståing av Jesu død og forsoninga. Han hevdar at det ville vore «bedre om Jesus aldri ble korsfeste», og han signaliserer «frelse på tross av korset». Det er altså ei forståing av Jesu død og forsoningsverk som bryt tvert med alt som har vorte lært om dette opp gjennom historia. Eikrem har ein ambisjon om å nytolka påskebodskapen.

Ved at Eikrem er professor i systematisk teologi ved MF, bad eg rektor avklara om Eikrems syn er innafor det MF står for, eller om MF no er heilt utan teologiske grenser.

Har MF gått frå å vera ein teologisk institusjon som baserte seg på at Skrifta er openberring og einaste norm for kristen lære, til å verta ein reint religionsvitskapleg institusjon utan normativt fundament eller oppdrag?