Debatt
FRITT SKULEVAL: Det er på tide å gjeninnføra fritt skuleval, skriv Silja Ekeland Bjørkly (bilde).
Hans Kristian Thorbjoernsen
Høgre vil innføra fritt skuleval
Hausten 2020 fjerna Arbeidarpartiet og posisjonen fritt skuleval i Vestland. Argumentasjonen deira var at fleire skulle få gå på nærskulen sin. Resultatet er at færre elevar får førstevalet sitt enn før, og modellen har fått store konsekvensar for fleire elevar.
Ingrid og Tuva ynskte å gå idrettslinja i Sogndal, men måtte gi opp draumen fordi dei hadde feil postnummer og ikkje fekk nærskulepoeng.
Sondre og Oliver måtte flytta på hybel – sjølv om dei hadde søkt på nærskulen i Førde. Snittet var rett og slett for høgt, så sjølv om begge gutane hadde gode karakterar og fekk nærskulepoeng, heldt det ikkje. Dette viser at modellen ikkje gir valfridom, og heller ikkje sikrar at alle kan gå på nærskulen sin.
