LÆRARSTUDENTAR: Lærarstudentane Carmen Træet (22), Sarah Helland (25) og Julie Bolette Sødal Ringøen (24) ved NLA Høgskolen i Bergen.
Gunnhild Lønning
NLA-studentar vil snu lærarkrisa:
– Mange lurer på korleis eg orkar
Midt i lærarmangelen står tre studentar ved NLA Høgskolen i Bergen fast ved valet sitt: Dei vil bli lærarar. Samstundes ser høgskulen ein liten auke i søkjartalet.
Dei siste åra har fleire lærarstudentar avbrote utdanningslaupet, parallelt med at ei rekkje skular har vorte råka av akutt lærarmangel.
Men NLA-studentane Carmen Træet (22) frå Bergen, Sarah Helland (25) frå Hommersåk og Julie Bolette Sødal Ringøen (24) frå Kristiansand er resolutte i valet sitt: Dei skal fullføra grunnskulelærarutdanninga ved NLA Høgskolen i Bergen og stå i lærargjerninga så lenge dei kan.
For dei tre unge kvinnene var dessutan valet av yrke enkelt: Dei ynskjer å jobba tett på born og å følgja dei i barndomsåra.
