Dropp drop in-dåpen før det er for seint

For folk med utprega humoristisk sans kunne det høyrast ut som ein vits. Men i folkekyrkja er det alvorleg meint: Ta barnet ditt under armen og stikk innom nærmaste kyrkje.

Etter ti-femten minuttars samtale på prestekontoret kan ungen bli døypt og ført inn i ein statistikk som for Den norske kyrkja sin del er blitt alvorleg skrantande.

I det første koronaåret var dåpsprosenten 43. Året etter blei tilbodet om drop in-dåp lansert i lettare panikk over den dramatiske svikten og i frykt for at trenden ville feste seg.