POPULÆRE SYDAMER: Ingrid Vik Lysne (t.v.) og Ingrid Bergtun har over 250.000 følgjarar på sosiale medium og opplever stor suksess med ei ny sybok. Jakkene dei her har på seg er laga av eit ullpledd.
Anna Torst Saltvedt
Suksess med symaskin
Interessa for å læra å sy er større
enn på lenge. To unge sydamer har gjort
syopplæring og gjenbruk til levebrød.
– Det er veldig gøy å sjå at så mange har lyst til å læra å sy, seier Ingrid Bergtun (29) og Ingrid Vik Lysne (29), som på kort tid har hatt stor suksess med å læra bort sykunsten.
På sosiale medium har dei over 250.000 følgjarar, og i sommar gav dei ut ei sybok som gjekk rett til topps på bestseljarlista for sakprosa.
Dei to sydamene møttest på «Symesterskapet» til NRK for tre år sidan. Sidan den gongen har det gått slag i slag.
