Rekordmange skulelag i Noreg. Men i bibelbeltet seier fleire rektorar nei no enn før

– Veldig mange lagsarbeidarar opplever at elevane er nysgjerrige på tru. Det er mykje eigeninitiativ på å starta lag, og me har ikkje hatt så mange skulelag på lang tid i Noreg, seier generalsekretær i Laget, Anne Lin Hynnekleiv.

I aust har talet på lag meir enn dobla seg, frå 19 lag i 2021 til 50 lag i 2024.

I Rogaland derimot, som lenge har vore ein vekstregion for Laget, har rektornektingar sett ein stoppar for veksten det siste året.