Lena Knutli, NTB scanpix
Kjem velstanden ut av veggen?
Kvar kjem levestandarden og velferden frå? Er det frå arbeid, satsing og verdiskaping, eller kjem velstanden frå ein sprekk i veggen?
Ut frå dokumentarserienOffice-X (nyleg omtalt i Aftenposten og Klassekampen) ser det ut til at unge menneske trur at velferd er noko ein får, ikkje noko ein treng å arbeide for å skapa.
Det viser seg at yngre folk har lite kjennskap til samanhengen mellom kva som blir skapt i norske verksemder, og korleis denne verdiskapinga er føresetnaden for den levestandarden og dei velferdsgoda me har i Noreg.
Unge menneske er fødde og oppvaksne i ei tid med store oljeinntekter, og er vane med at offentlege budsjett legg dugeleg på seg (sju prosent i snitt) frå år til år. Det er blitt automatikk.
