Debatt
PROTESTER: Demonstranter blokkerte 24. juli trafikken på en motorvei som krysser Tel Avid under en protest mot planer fra Netanyahus regjering om å revidere rettssystemet.
Oded Balilty / AP / NTB
Venstresida legg premissane for oppfatninga vår om Israel
Rettssystemet i Israel, særleg Høgsterett sin posisjon, har over tid utvikla seg på ein måte som ville vore totalt uakseptabelt i Vesten.
Det er påfallande i kor stor grad den politiske venstresida er utgangspunktet for og formar vår oppfatning av Israel og det som skjer der. Det gjeld den norske venstresida si forming av det norske folket. Den politiske høgresida er rett nok litt meir moderat enn venstresida, men politikken overfor Israel er omtrent den same kven som sit med regjeringsmakta og kven som er utanriksminister.
Det er stort sett berre nyanseforskjellar mellom venstresida og høgresida, og det er det politiske venstre som set dagsordenen og legg premissane.
Det som er enda meir påfallande, og som er hovudsaka for meg her, er at det også er den politiske venstresida i Israel som legg premissane for analysar og vurderingar her i landet om Israel og situasjonen der. Dette er svært tydeleg i media, men det gjeld også i politikken – og langt på veg i kristenfolket.
