«Der de ser pessimisme og elende, ser vi optimisme, folk som vil og får det til», skriv Liv Kari Eskeland. Bildet viser partileder Trygve Slagsvold Vedum. Foto: Ørn E. Borgen / NTB
Sp og eg ser ikkje det same Noreg
Der eg ser optimisme, fortel Senterpartiet om pessimisme.
Senterpartiet pratar om alt som går feil veg i landet og som er feil i distrikta. Alt på grunn av regjeringa, alt må reverserast, alt var betre før.
Men ta ein tur til Bømlo, og sjå på produksjonen av Salma-laks. Utviklinga der, sidan dei første merdane vart etablert, har vore formidabel. No har dei fleire hundre millionar kroner i omsetning.
Ta ein tur til Hardanger og sjå på ciderproduksjonen til Hardangergutane, der unge ser nye moglegheiter i eit tradisjonsrikt produkt. Til Lom og Dombås, med spennande mikrobryggeri. Til Rennesøy der dei produserer Klosterlam. Eller til Rissa der dei lagar nydeleg iskrem.
