Rolf Kjøde: Å skygge unna offentleg teologisk vegleiing hjelper ingen.

Fleirtalet av kristne leiarar som held fast ei klassisk bibelsk lære om kjønn og samliv, skyggar unna det offentlege rommet. Når Dagens redaktør, Tarjei Gilje, let seg imponere over Normisjons opne vegleiing under leiarkonferansen i januar, er dette bakteppet.

Sjølv sluttar eg meg til redaktørens vurdering. Open offentleg klargjering av kva vi forkynner og rettleier ut frå er nødvendig om vi vil demme opp for det massive trykket frå kyrkjelege krefter som tar sine oppgjer med Guds ord.

Reint visuelt var det sterkt å sjå generalsekretær Kjetil Haga stå under ein stor skjerm med sitat frå Rom 1 og 1 Kor 6 og klargjere at dette er basis for Normisjons lære. Utydelggjerande politisk språk om ulike «syn» blei unngått. Tvert om viste han til at tekstene er klare og ikkje til å misforstå.