Pinseunderet og den historiske Jesus

Jesus-forskinga eller «Jakta på den historiske Jesus» har det vore kalla, dei akademiske forsøka på å granske og døme om kva som kan reknast for å vere historisk truverdig om Jesus frå Nasaret.

Vi som er kristne trur på det som står i Bibelen og som dei bibelske forfattarane legg fram som verkelege hendingar, frå at Herodes var konge i Jødeland til at Jesus gjekk på vatnet, til at han vart pint under Pontius Pilatus, krossfest, døydde og at han stod opp att frå dei døde tredje dagen. 

For dei som ikkje trur, og for vitskapen, stiller det seg annleis. At Jesus gjekk på vatnet, og at han blei levande att etter at han var blitt drepen, og at han framleis lever, handlar om tru.