«Liding er ei velsigning»

Liding og martyrium; desse to orda omfattar dei store gåtene i menneskelivet. Temaene er gamle. Det eldste skriftet i Bibelen, Jobs bok, er vigd til lidingsgåta, men gjev ikkje eit uttømmande svar, for framleis framtrer desse temaene som vanskelege og uhandterlege.

Liding er ei fysisk/åndeleg side av livet som er problematisk. Men det ser ut til at liding er knytt til utbreiinga av Guds rike. Både Jesus, Paulus og Peter omtalar den som det. Paulus skriv til Timoteus: «Lid vondt med meg …» Peter skriv i 1 Pet 4,13: «Men i same mon som de har lut i Kristi lidingar, skal de gleda dykk, …» Ta krossen din opp …», sa Jesus.

«Det skal sterk rygg til å bera gode dagar», heiter det. Kanskje me her i Vesten har hatt det for godt – me har klart oss så bra sjølve at me har sleppt taket i Guds hand?