Underteikna har bak seg over førti år i Norsk Luthersk Misjonssamband (NLM) som emissær. Det er ei tid eg ser tilbake på med takk til Gud for hans nåde og miskunn – også når det gjeld mi teneste der.
For eg trur nok ikkje at eg heller har gjort alt på den rette måten, i alle situasjoner sagt dei rette orda til menneske, opp igjennom dei førti år som eg var i løna arbeid.
Kong David sine ord har nok ein viss relevans her: «Kven kjenner sine eigne feilsteg? Frikjenn meg for dei eg ikkje veit om. Spar din tenar for hovmod, lat det ikkje få meg i si makt! Då er eg heil og fri for store synder», seier han i Salme 19,13–14.
