Det menneskelege i kristenlivet

Under debatt skreiv eg eit innlegg om å vera eit sant kristent menneske. Eg gjekk ut frå boka «Fred» av Arne Garborg. Nokre har svara på dette innlegget og hatt litt andre meiningar enn det eg skreiv.

Kva slags gudsforhold Arne Garborg hadde skal vi ikkje døma om. Men han var sterkt kritisk til det han trudde var pietismen og kalla det ein ukristendom.

For samenhangen skuld må eg repetera litt. Etter ein hard sjelekamp kjem bonden Enok Hove fram til ei visse om frelse. Men religiøsiteten hans vert ein påkjenning for dei andre i huslyden.