AGGRESSIV RETORIKK: Biskop Atle Sommerfeldt (bildet) insinuerer at det nettopp mellom israelsvener skal vera farlege antisemittiske haldningar. Han bør omadressera sin aggressive retorikk til Teheran, skriv Bjarne Gjerme.
Håkon Mosvold Larsen / NTB
Biskopen og apokalypsen
Når Sommerfeldt brukar ei uheldig formulering frå ein amerikansk forkynnar for meir enn 20 år sidan til å mistenkeleggjera og stigmatisera israelsvenene innanfor og utanfor si eiga kyrkje, er det lettvint, men samstundes alvorleg og trist.
Viser til nytt innlegg i Dagen for 30.11.20 av biskop Atle Sommerfeldt om noko han kallar kristensionisme.
Sionisme er ei nemning som tyder jødisk nasjonalkjensle, og denne har i vår tid lukkast i å gjennoppretta ein jødisk stat på gamle tomter. Her i Noreg hadde me også for 300 til 200 år sidan framvekst av nasjonalkjensle som førte til at Noreg vart ein sjølvstendig stat.
I Noreg er det mange, kanskje mest mellom evangeliske kristne, som er vener av Israel.
