Bilismen - fleire ulemper enn fordelar

Generalsekretær Børre Skiaker i KNA hevda 6/7 at bilavgiftene i Noreg alltid har vore for høge. For han ser ingen ulemper med at 80 prosent av persontransporten i Noreg går med privatbil, mot nesten 0 prosent i 1960.

I perioden 1960-2025 har biltettleiken auka frå nesten 0 til 526 bilar pr 1000 innbyggjar, med ei veldig utvikling av vegnettet men stagnering av tognettet. Norsk privatbilisme-eksplosjon desse 65 åra har gjort det vanskeleg å driva lønnsam kollektivtransport, slik at altfor mange er avhengig av eigen bil i kvardagen.

Bilismen har kravd enorme areal inkludert store område med trafikkstøy og andre ulemper for menneske, dyr og plantar. Og for å produsera nye bilar, særleg elbilar, krevst det verdifulle råmateriale og forureinande prosessar. Vidare bidrar svevestøv og mikroplast frå friksjon mellom bildekk og asfalt til alvorleg forureining, slik at nullutslepps-bilismen kun i liten grad kan reknast som miljøvenleg.