DOMMAR: Vegard Bondevik skifter mellom prestekjole og dommardrakt.
Hanne Stedje, Sogn Avis
Du skal ikkje dømme, seier Bibelen. Men denne sesongen har presten Vegard teke på seg dommardrakta 16 gonger
– Kvar kamp er eit psykologisk spel, seier Vegard Bondevik Lie. Han tok dommarkurs samtidig som han studerte teologi.
– Du skal ikkje dømme, står det i ein av tekstane som skal lesast i norske kyrkjer denne søndagen.
Gjett om Vegard Bondevik Lie (49) har høyrt det ordet mange gonger. Han er nemleg prest og fotballdommar.
– Det finaste ein kan seie om ein prest no til dags er vel at han er folkeleg. Å vere fotballdommar og fotballinteressert fell i god jord hos mange, resonnerer han.
