Tause om Dnk og bedehuset?
Når Rune Espelid skriv at "bedehusleiarane utan atterhald manar til å verta ståande i Den norske kyrkja", er han ikkje heilt oppdatert.
Det er i Synspunkt i Dagen 24. november at denne påstanden kjem fram.
I ingressen står det vidare at dei uidentifiserte bedehusleiarane Rune Espelid refererer til, “kommuniserer at det vi driv på bedehuset, no og i framtida, er å sjå på som eit supplement til denne kyrkja - langt frå å vera eit alternativ”.
Artikkelen fortsetter under annonsen.
Bladet Sambåndet har kome ut sidan 1899 med bedehusorganisasjonen Indremisjonsforbundet (ImF) som utgjevar.
Både i papirutgåva og på nyhendenettstaden sambåndet.no har me fleire gonger kommentert spørsmåla som Espelid er oppteken av i Synspunkt-artikkelen.
Klarast var kanskje nettleiaren som vart publisert på morgonen 6. november og som også ble publisert her på DagensDebatt.no.
Eg tillet meg å minna om teksten, sidan Rune Espelid ikkje synest å vera merksam på den.
Les den her: Slår beina under biskopene
Til siste nummer av Sambåndet seier generalsekretær Erik Furnes i ImF at det no blir viktig å leggja til rette for opne og gode samtalar i styremøte og ulike leiarmøte.
Furnes meiner òg det er viktig å snakka saman med andre organisasjonar og kyrkjesamfunn og andre grupperingar. Han vil ikkje kome med føringar tideleg i prosessen som kan opplevast bindande.
– Vi får arbeide oss fram til eit samla råd som har best mogleg tilslutning i organisasjonen, strekar Furnes under.
Artikkelen fortsetter under annonsen.
Eg kan ikkje sjå at dette er å «utan atterhald mana til å verta ståande i Dnk».»
