KOMMUNESTYRE: I Flå kommune har Sp og KrF samarbeida om ei felles liste der KrF har hatt Sigrid Ingeborg Gislerud som einaste representant. I år står ho på Ap/KrF-lista.
Arne O. Lindahl, Hallingdølen
Her stiller Ap og KrF med felles liste i kommunevalet
I fire av seks kommunar i Hallingdal
stiller ikkje KrF med eigne lister ved valet i haust.
Fleire lokallag fortel om ei vanskeleg tid etter
vegvalet i haust.
I Flå kommune i Hallingdal har KrF og Senterpartiet stilt med ei felles liste sidan 1970-talet, men i år ville Sp prøve seg med ei eiga liste.
Sidan Flå KrF ikkje hadde nok folk til å stille ei eiga liste, vart redninga at Arbeidarpartiet i kommunen inviterte KrF sin einaste representant i kommunestyret til å stå på kumulert plass på ei felles liste.
– Vi har sett oss ned og utforma eit felles program. Vi er stort sett samde og ynskjer det beste for folket i bygda vår, seier Sigrid Ingeborg Gislerud (KrF), som ynskjer ein femte periode i kommunestyret. Ho er den einaste KrF-aren på lista.
