Illustrasjonsfoto: Fotolia.com
Den falske profet
Eg er ikkje ein som trur at Jesus kan koma i dag for å henta si brud, men han kan koma for å henta meg eller deg.
Me leser at Gud er treenig. Faderen, Sonen og Den Heilage Ande. Men desse tre har og tre åndelege motstandarar. Djevelen, antikrist og den falske profet. Djevelen er mot Gud, antikrist mot Kristus, og den falske profet mot Den Heilage Ande. Den Heilage ande er ei ånd som me ikkje ser med auga vårt. Den falske profet elskar mørkret, og held til på løynlege stadar, slik at han og vert vanskelig å få auga på.
Der har vore mange falske profetar, men denne har ei spesiell oppgåve til å sette opp den øydande styggedommen, og tena antikrist. Eg trur at dei to kom frå avgrunnen og at dei var saman på turen til Israel. Dei hadde stor likhet, og tala mykje saman. Kanskje var dei saman i tempelet og, sjølv om eg ikkje kan sjå at Paulus skriv det. Den øydande styggedommen var ei støtte, eit bilde av antikrist som var reist på tempelplassen, og det kunne tala! Det såg nok fint ut og samla mykje folk, men det fekk ikkje stå lenge, for Israel ante gale.
Hjå Daniel ser me at det daglege offeret vart borte. Ikkje bare prestane, men og dei styrande ser at dette må ryddast bort. No vert tempelet og plassen utanfor rydda, og desse spottarane jaga ned Judaheiane.
