– Vi har arbeidd i mange år for å få opp talet på besøkande

Kvart år reiser tusenvis av nordmenn til konsentrasjonsleirar i Sentral-Europa for å lære om det grufulle som fann stad der under andre verdskrigen. Trass i at livet der var meir brutalt enn i leirane her nord, er det nok av eksempel på at forferdelege ting òg skjedde i vårt «eige nabolag».

På det meste fanst det rundt 600 fangeleirar i Noreg under krigen og fleire av dei har i dag etablert museum eller besøkssenter i eller i nærleiken av dei gamle leirane.

– Besøk i konsentrasjonsleirane er sjølvsagt viktig, men det er absolutt mykje å lære av å besøkje fangeleirane her heime òg, seier Søren Aagaard Rasmussen ved Grinimuseet.