KYRKJEHISTORIE: Sisik sin forlagssjef Dag Gundersen Storla har omsett 13 av dei 24 Ulest-tekstane.
Odd Mehus
Dag har omsett fleire av Ulest-tekstane: – Dette er utrulege skattar som er skjulte for norske kristne
Halvtanna år med omsetjing har gjort det mogleg: 13 kyrkjehistoriske skattar, til no skjulte for norske lesarar, er endeleg ute på norsk.
I tillegg til å vera ME-lege, forfattar og tidlegare Bangladesh-misjonær, driv Dag Gundersen Storla eit eige forlag, nærare bestemt Sisik forlag.
Den siste tida har han halde på med eit nokså forvitneleg prosjekt: å gje ut all litteraturen som vert omtalt i podkasten «Ulest - kristne klassikere».
Podkasten har vore eit samarbeid mellom NLA Høgskolen og Dagen, der kvar episode omhandlar ein tekst frå kvart hundreår av kyrkjehistoria.
