HISTORIKAR: Nedvurdering av fortida og historisk kunnskap i det heile er utbreidd i våre dagar, noko Terje Tvedt (biletet) finn særs uheldig, skriv Lars Gaute Jøssang. På biletet ser vi Tvedt i samband med presentasjonen av boka «Verdenshistorie. Med fortiden som speil» i august.
Foto: Vidar Ruud / NTB / NPK
Verdshistorie med høgt vasstrykk
Når forfattaren står til hovudet i vatnet, ser han mykje, men ikkje alt. Med den vekt vatnet har fått, må grunnsynet til Terje Tvedt kunna karakteriserast som materialistisk.
Historikaren, geografen og folkeopplysaren Terje Tvedt er i vinden!
Han skriv bøker, artiklar og kronikkar, samlar skarar under kateteret sitt (jf. føredragsserie på Nasjonalbiblioteket i vinter som var), får «prime time» i Verdibørsen (NRK P2), blir invitert til Nytt på Nytt og er det i heile ein intellektuell som lever høgt på strå.
Han er ingen etterplaprar, og vågar å gå sine eigne vegar. Kanskje er det noko av forklaringa på den sterke appellen?
