MOR OG DOTTER: Småbarnsmor Trine Furu-Borgen saman med dottera Noelle.
Privat
Trine (34) vil ha aldersgrense på sosiale medium: – 15 år burde vera eit minimum
– På same måte som Gud set gode rammer for oss, må me setja gode rammer for borna, seier Trine Furu-Borgen.
Tidlegare i oktober sende regjeringa eit nytt lovforslag ut på høyring: å implementera 15-årsgrense på sosiale medium. Forslaget er no under handsaming.
Ei av dei som støttar regjeringa sitt forslag, er Trine Furu-Borgen. Ho jobbar som kyrkjelydspedagog i Nanset kyrkje i Larvik, men har også ei stilling som rådgjevar i Barn, tro & medier – eit arbeid i Tro & Medier.
I tillegg er ho mor til sju år gamle Noelle. Allereie har smarttelefon og sosiale medium vore tema i heimen.
