OVERREKKING: Regionleiar Rune Mjølhus i Misjonssambandet tok imot ein symbolsk sjekk på 1.875.000 kroner frå misjonsprosjektleiar og russ Hanna Indrebø under avslutningsfesten til Tryggheim vgs. fredag 13. juni.
Tårn Helge Helgøy, Tryggheim vgs.
Rekord: Elevar samla inn nær to millionar til misjon og bistand
Årets misjonsprosjekt ved Tryggheim vgs. på Jæren resulterte i ein rekordhøg sum på 1.875.000 kroner til bistand og evangelisering i Indonesia.
I staden for uflaks førte fredag den 13. med seg lukke og glede for elevane ved Tryggheim vgs. på Jæren.
Under avslutningsfesten for Vg3-elevane og avgangselevane på Vg2 yrkesfag vart innsamlingssummen frå årets misjonsprosjekt offentleggjord: Heile 1.875.000 kroner var komne inn på konto.
Årets sum var 200.000 kroner høgare enn den førre innsamlingsrekorden som vart sett for eitt år sidan, skriv skulen i ei pressemelding.
