Psykologispesialist Marit Johanne Bruset meiner at det var uansvarleg av NRK å stille eit slikt spørsmål til born. Foto: Privat og Herman Franzen
Psykolog om NRK Supers homospørsmål: – Hårreisande og fagleg uforsvarleg
Psykologspesialist Marit Johanne Bruset melder no kanalen inn til Kringkastingsrådet.
Dagen melde i går om NRK Super-appen Svar-o-meter, som spurte fleire tusen born spørsmålet “Er du hetero eller homo eller noe midt i mellom”. Over 15 000 born svarte på spørsmålet.
Psykologspesialist og barnefagleg sakkyndig, Marit Johanne Bruset, går hardt ut mot NRK Super, og kallar spørsmålet “hårreisande og fagleg uforsvarleg”. Ho har difor meldt NRK Super inn for Kringkastingsrådet.
– Eg reagerer på at dei henvender seg direkte til borna. Seksualitet og kjønnsidentitet er veldig lada tema i dag, og vi veit lite om korleis mediekøyret som går på seksualitet og kjønn påverkar borna, og spesielt dei sårbare borna, seier Bruset til Dagen.
