Skjermdump Newsweek
Pastor oppmodar kristne til å bu seg på borgarkrig
Den karismatiske pastoren Rick Joyner meiner kristne amerikanarar må sikre seg våpen og matforsyningar.
Grunnleggjaren av MorningStar Ministries var gjest i Jim Bakker Show nyleg.
– Det kjem til å bli ein borgarkrig, og han kjem til å bli verre dess lenger tid det tek for amerikanarar å stå opp og kjempe tilbake mot dette vonde som har teke over landet vårt, sa Joyner.
Han viste til Forkynnaren i Det gamle testamentet som skriv at det er ei tid for fred og ei tid for krig.