GIR SEG: – Vi kunne avvikla drifta sjølve, men synest butikken har såpass store verdiar og stor betydning at vi gjerne ser at nokon tek over, seier Linbjørg og Johan Per Sunde.
Tore Hjalmar Sævik
Overlet butikken til indremisjonen
Etter 112 år som familieverksemd overtek ImF Sunnmøre butikken til Linbjørg og Johan Per Sunde. – Vi håper det kan gi bidrag til kristent arbeid, seier ekteparet.
Den tradisjonsrike jernvare- og fargehandelen Johan R. Sunde ligg ved eit av dei tyngst trafikkerte vegryssa på Sunnmøre. Her passerer E39 mellom Bergen og Ålesund. Det gjer også bilane på veg til og frå ei av dei travlaste ferjestrekningane i landet, Hareid-Sulesund.
Ikkje pressa
Utviklinga her har Johan Per Sunde følgd heile livet. Familien har gjort det endå lenger. Han er tredje generasjon som driv butikken. Denne har mellom anna den største utstillinga av vedomnar mellom Bergen og Trondheim. Daglegvarehandelen har Linbjørg hatt ansvaret for, men denne selde dei for nokre år sidan.
