NØGD: Dagleg leiar Roald Gundersen i Norsk Samemisjon meiner at ein fusjon med Misjon Sarepta er ei god løysing.
Tore Hjalmar Sævik
Misjonsorganisasjonar nær fusjon
Norges Samemisjon og Misjon Sarepta har inngått ein intensjonsavtale om å slå seg saman i 2021.
– Vi er i ein situasjon kor vi er nøydde til å gjere noko drastisk med organisasjonsstrukturen, for vi kan ikkje halde fram med fleire millionar i underskot kvart år, seier dagleg leiar Roald Gundersen i Norges Samemisjon.
Det er landsstyret i misjonsorganisasjonen som i haust tok initiativ til samtalar om fusjon av organisasjonane. Ifølgje Gundersen hadde dei ikkje noko val.
– Vi har drive i minus alle år sidan 2000-talet. Vi har prøvd å rette opp skuta utan å lukkast, men eigedomsal har halde oss i live heile 2000-talet. Vi kan ikkje berre køyre til kassa er tom.
