VINNAR: Jon Gabriel Steinhovden (17) frå Frekhaug går på den kristne skulen Kongshaug musikkgymnas utanfor Bergen. I helga vann han Ta ordet!-konkurransen.
Skjermdump YouTube
Jon Gabriel (17) vann talekonkurranse med bodskap om pornografi
– Heilt surrealistisk at det faktisk skjedde. Eg hadde aldri håpa på det, seier Kongshaug-eleven.
Før helga skreiv Dagen om at Jon gabriel Steinhovden frå den kristne skulen Kongshaug Musikkgymnas skulle vera med i finalen av Ta ordet! sin nasjonale talekonkurranse den 30. november i Bergen.
No melder skulen på si Facebook-side at Steinhovden har vunne konkurransen.
«Jon Gabriel ble kåret til kveldens beste taler, og vinner med det årets Ta ordet-finale! Den rungende applausen i salen sier alt om hvor stolte og imponerte vi er», skriv dei.
