TEK ORDET: Jon Gabriel Steinhovden frå Kongshaug musikkgymnas er blant finalistane i årets Ta ordet!-finale, som finn stad ved Det Vestnorske Teateret i Bergen den 30. november.
Privat
Kongshaug-elev Jon Gabriel (17) vidare i nasjonal talekonkurranse
Med ein engasjerande tale om skadeverknadene av pornografi er 17 år gamle Jon Gabriel Steinhovden kåra til ein av årets «Ta ordet!»-finalistar.
– Det er veldig kjekt å få stadfesting på at arbeidet ein gjer er bra. Eg er veldig glad for at eg får høve til å spreia bodskapen min, seier Kongshaug-eleven Jon Gabriel Steinhovden frå Frekhaug til Dagen.
Det starta som ei skuleoppgåve i norskfaget, som han deretter framførte i ein talekonkurranse på skulen sin.
Òg rundt 60 andre elevar frå heile landet har vorte kåra til vinnarar av lokale talekonkurransar på skulane sine i laupet av hausten.
