PÅ TUR: Tryggheim-russ la denne helga bak seg 150.000 steg til inntekt for skulen sitt misjonsprosjekt. F. v.: Bjørk Anderson Lukkedal (19), Hanna Indrebø (18) og Oda Eldøy Salte (18).
Foto: Privat
Gjekk 150.000 steg til inntekt for misjonsprosjekt
- For kvar krone me samlar inn i kveld, skal me gå eitt steg, sa Tryggheim sin misjonsprosjektleiar Hanna Indrebø til elevmassen. Etter kort tid var 150.000 kroner komne inn.
Det årlege misjonslaupet ved Tryggheim vidaregåande skule har resultert i ein totalsum på éin million kroner.
150.000 kroner av denne summen vart samla inn ein kveld i forkant av misjonslaupet den 30. april. Målet denne kvelden var at elevane ved skulen skulle få tak i sponsorar til misjonslaupet som stod for døra.
Misjonsprosjektleiar Hanna Indrebø (18) lova Tryggheim-elevane at ho og to andre med-russ ved namn Oda Salte og Bjørk Lukkedal skulle gå eitt steg kvar for kvar krone som kom inn denne kvelden.
