Fredsforskar Cecilie Hellestveit: – Eg blir meir og meir glad i Bibelen

PODKAST: I siste episode av podkasten Å lese Bibelen sammen, møter den faste trioen, Jarle Mong, Joakim Magnus og Sofie Braut ein gjest som tidsskriftet Minerva nyleg kåra til «Årets intellektuelle», nemleg den fritalande folkerettseksperten Cecilie Hellestveit. 

Ekspertisen til Cecilie Hellestveit femner vidt. Juss, folkerett, krig og konflikt. Det er gode grunnar for at ho ofte er henta inn for å kommentera og analysera. For tida er det dessverre så altfor mange krigssoner å drøfta. 

Seg sjølv vil ho ikkje snakka så mykje om. Ho berre ler når vertane vil ha svar på kven ho «eigentleg er», bak dei mange imponerande intellektuelle merittane på CV-en.