INKLUDERANDE: Den norske nasjonalismen på 17. mai er uttrykk for patriotisme heller enn sjåvinisme, meiner Pål Ketil Botvar.
Gonzales Photo / Stian S. Møller
Forsiktig om tru på 17. mai
Kristne symbol lever vidare på grunnlovsdagen, men i neddempa og allmenn form.
Uavhengig av personleg tru stemmer mange i bygd og by framleis i «Norske mann i hus og hytte» og «Gud signe vårt dyre fedreland» når det er 17. mai.
– I alle fall før korona, understrekar professor Pål Ketil Botvar ved Universitetet i Agder.
I ein ny forskingsartikkel har han undersøkt mellom anna religiøse innslag og kjenneteikn ved norsk nasjonalisme slik denne kjem til uttrykk på grunnlovsdagen.
