«Bannskap og griseprat på NRK»
Far og fotballtrenar Ståle Hatlelid har klaga banning i NRK inn for Kringkastingsrådet.
- På den eine sida er det gale å vise kors. På den andre sida florerer bannskap og griseprat, seier den oppgitte faren frå Hornindal i Nordfjord.
Etter å ha høyrt at NRK Sørlandets nyhendeopplesar Siv Kristin Sællmann ikkje fekk bruke krossmykke, sette han seg ned og skreiv brev til NRK.
Sjølv hadde han sett underhaldningsprogrammet «Ikke gjør dette hjemme» der programleiarane Rune Nilson og Per Olav Alvestad boltrar seg i elleville forsøk som å teste kva som skjer når ein slepp ut gass i eit rom med levande lys. Han reagerte på banninga i programmet.
