ATTVALT: Jan Rudy Kristensen (t.h), Tove Elise Madland (t.v) og Marianne Uri Øverland er attvalt som høvesvis leiar, nestleiar og sekretær i Kristne Arbeidere.
Kristne Arbeidere / Privat
Attval i Kristne Arbeidere
#arbeidsdagen: Både leiar, nestleiar og sekretær vart attvalt då Kristne Arbeidere hadde landsmøtet sitt i Oslo.
Landsmøtet, som fann stad laurdag, 23. oktober, vedtok fem utsegner, mellom anna om rettstrygging for konvertittar, om psykisk helse og om kamp mot forskjell og fattigdom.
Jan Rudy Kristensen frå Arendal og stortingsrepresentant Tove Elise Madland, Vindafjord, vart attvalt som høvesvis leiar og nestleiar i forbundet. Ingvild Vaggen Malvik, Oslo, vart valt inn som ny styremedlem. Resten av styremedlemmene vart attvalt: Marianne Uri Øverland, Fredrikstad (sekretær), Harald Trulsrud, Bærum og Siri Fossheim, Oslo. Rachel Lærum, Kornsjø, Vidar Venås, Helland, Mats Kvaløy-Bjørbekk, Oslo og Maria Therese Hevzy, Arendal, vart valt som varamedlemmer.
Fredagen før landsmøtet innbaud Kristne Arbeidere til eit ope møte om «Kva vil ny regjering bety for tru og solidaritet, og for Noregs rolle internasjonalt». I panelet sat Kari Henriksen, Stortingsrepresentant og Arbeidarpartiets fraksjonsleiar i Utanriks- og forsvarskomiteen, Atle Sommerfeldt, biskop frå Den norske kyrkja, Erhard Hermansen, generalsekretær frå Noregs Kristne Råd og Bente S. Gundersen, sjefsekretær (nestleiar) for Frelsesarmeen i Noreg, Island og Færøyane.
