DELTOK: Den muslimske ordføraren i London, Sadiq Khan, deltok under den muslimske markeringa måndag i førre veke.
Kirsty Wigglesworth / AP / NTB
3000 muslimar bad på Trafalgar Square. Det har skapt bråk
Åtvaringar om forsøk på islamsk dominans i Storbritannia vert møtte med skuldingar om islamofobi.
«Rituell massebøn på offentlege stader er ei handling som dreiar seg om dominans», skreiv den konservative parlamentarikaren Nick Timothy på X i førre veke.
Han la ved ein videosnutt av muslimar som knelte i bøn på Trafalgar Square i London, rett framfor National Portrait Gallery og kyrkja St. Martin in the Fields. Arrangementet skjedde i samband med iftar-måltidet under fastemånaden ramadan.
Kameraet fokuserer på ein av dei: ordførar Sadiq Khan som sjølv er muslim.
