Debatt
UTVIKLING: Det er sagt at forskjellen på den du er i dag og den du er om fem år, er vennene du vel og bøkene du les, skriv Marit Hårklau Ådnanes.
Adobe Stock
Vi er undervegs
Me er alle undervegs på så mange område; generelt i livet, i trua, i vårt leiarskap. Likevel lurer eg på om me av og til gløymer nettopp det. Me har store krav til oss sjølv og kvarandre.
Det eg har lært aller mest av opp igjennom livet er både eigne og andre sine blemmer. Kanskje har fleire tenkt tanken «nå er det over», det katastrofale som skjedde er eit før og etter. Så oppdagar me forhåpentlegvis at livet går vidare likevel. Eg kan koma styrkja ut av ting, sjølv om kjensla av skam og nederlag kan vera sterk nett når ting skjer.
Bibelen er vår «handbok for livet», og tar opp så mange aktuelle tema. Bob Clinton er ein som har studert leiarskap i Bibelen. 70 prosent av dei som Gud hadde valt ut og utrusta til teneste, enda dessverre ikkje tenesta og livet sitt godt. Det er verkeleg til ettertanke. Det handlar ikkje berre om å begynna sterkt, men også å fullføra godt.
