Leder
PINLEG: Det manglar ei grunnleggande forståing av kva vennskap er, når Noreg påstår at vi framleis er Israels ven etter å ha gjort det slutt på ein pressekonferanse tidlegare denne veka.
John Solsvik
Vi blir ikkje Israels ven av å seia at vi er det
Eit pinleg trekk ved onsdagens pressekonferanse i samband med Noregs anerkjenning av Palestina som eigen stat, var mangelen på forståing av omgrepet vennskap.
Diplomati kan verka som noko for verkeleg vidarekomne. Feltet har ei respektinngytande aura, der berre dei korrekte og ulastelege når opp. Folk som turnerer franske frasar utan å konsultera lommeparlør.
Diplomatiets grunnøving er å nøytralisera det pinlege. No lar Jonas Gahr Støre og Espen Barth Eide venstresida sitt interne press koma til uttrykk som offisiell norsk utanrikspolitikk. Då gjer dei diplomatisk samanbrot til eit permanent faktum. Det er pinleg.
Påstandar om at anerkjenninga er eit stikk til Hamas, at dette vi «styrke refleksjonen» og at dette er «det stikk motsatte» av å premiera terror er formuleringsakrobatikk i ei tid som treng leiarar som forheld seg til realitetane. Det er også pinleg.
