| Debatt
Venstresida og media må stå opp for ytringsfridomen
CHARLIE KIRK: Han hadde meiningar som var kontroversielle, men likevel fullt legitime, skriv Tarjei G. Indrebø.
Rod Lamkey / AP / NTB
Etter det tragiske attentatet på den republikanske samfunnsdebattanten, ektemannen og tobarnsfaren Charlie Kirk, så er eg sjokkert over reaksjonane eg ser i kommentarfelt og media.
Dei fleste tek heldigvis avstand frå valdsbruk, men diverre er ikkje Amrit Kaur aleine om å godte seg over hans død. Likevel er det ikkje ein kommunistisk ungdomspolitikar som skremmer meg mest. Det er det reaksjonane frå media og den moderate venstresida som gjer.
På X og Facebook ser eg at mange er mest opptekne av å demonisere Kirk, og dei såkalla «ekstreme» haldningane og synspunkta hans. Eg meiner alle konsekvent bør forsvare hans rett til å ytre seg. Dei fleste tar heldigvis avstand frå drapet, men ofte med ein antyding om at det var fortent.
