Debatt
VEKKING: Sofie Braut (infelt) har besøkt vekkinga som for tida finn stad i Lindesneshallen på Vigeland.
Terje Høyland
Vekkingssuset på Vigeland: Når det nye er noko eg kjenner frå før
Det er noko på gang i Guds rike. Det er det alltid. Av og til merkar eg dette endå nærare og endå tydelegare. Slik har det vore å besøka vekkingsmøta på Vigeland. Det er som om noko eg alt kjenner så godt, berre kjem endå tettare på.
Det er rett og slett mektig å bli minna om krafta i Guds ord og Guds ånd!
På heilt alminnelege møte, med heilt alminnelege folk, på eit lite spektakulært bedehus, har altså Heilaganden vekt folk opp ein ny måte. Fjernt frå alt av kommunikasjons- og marknadsføringsekspertise oppstår det eit fenomen.
Først veks det ut av eit gamalt bedehus, så vart Betania for lite, og no sist helg fylte det Lindesneshallen til siste stol. Stappfulle parkeringsplassar talar sitt tydelege språk om lengt og nyfikne.
