Uventa møte med ordet om frelse

Noko hender som me ikkje hadde venta. Det berre hendte. Medan eg var opptekne med noko, så hender noko heilt uventa. «Som julekvelden på kjerringa» kom det. Noko eg ikkje hadde styring på.

Nokre hyrdingar var ute, opptekne av å passa dyra, og seg sjølve. Namn på dei, veit me ikkje. Veit ikkje kva dei venta seg. Var dei opptekne av at det skulle koma ein Frelsar? Opptatt av at dei hadde ei udødeleg sjel? Hadde dei høyrt om ein Messias?

Trur dette som brått hendte der ute var uventa. Himmelgjesting – himmelsk bodskap. Bodskap om noko som hadde hendt. Om noko som var for dei. Noko dei ikkje hadde hatt ein finger med i spelet om, men som var gjeldande for dei. Ikkje eit bodskap dei søkte, men som oppsøkte dei der dei var. Om ein annans gjerning.