Topris-system på straum og flaskehals mot kablane

Energipris og tilgang på energi er blitt ei skikkeleg hovudpine for regjeringa. Kanskje ser vi konturane av at fri marknad på basisvarer ikkje er løysinga?

Kva om vi gjekk over til eitt felles nett i heile Norge, med lik pris og at ein sikra overføringslinjer som ikkje låste krafta inne i eitt område og sette skyhøge prisar i eit anna? Det er ingen tvil om at Statnett har sove i timen.

I tillegg bør ein få utgreidd om ein innanfor ei slik ordning, uten interne flaskehalsar innanlands, kan lage ein fiktiv «flaskehals» for den straumen ein eksporterer ut av landet gjennom kablane. KrF meiner det er rett at vi sikrar oss med kablar og at vi kan eksportere overskotskraft, men også for å kunne importere straum i tørr-år.