Tidlegare Dagen-redaktør åtvarar: Slepp ikkje inn forvirrande karismatikk på bedehuset

Lekmannsrørsla og bedehuset har ei 200-årig historie her i landet. Det kristne forsamlings- og misjonsarbeidet som dette representerer, har alltid lagt vekt på Andens gjerning og nådegåvene.

Andens gjerning har ein primært forstått som herleggjering av Jesus og hans frelsesverk ved Ordet, som Bibelen kallar Andens sverd.

Til grunn for arbeidet med tanke på arbeidsfordeling og åndsutrusting har ein lagt nådegåvene. Lekmannsarbeidet har arbeidd ut frå nådegåveprinsippet og slik vore nådegåvebasert, framfor embetsorientert. Ein har tenkt alle oppgåver og tenester knytt bedehuset ut frå nådegåvene, særleg nådegåvene til å forkynna, vitna og leia.