MODIG ADVOKAT: I Vietnam sit advokaten og menneskerettsaktivisten Nguyen Bac Truyen fengsla på fjerde året. Han er dømt for forsøk på å «kasta folkets styre».
Lam Khanh, AP Photo / NTB scanpix
Stå opp for dei fengsla
Norske parti som er vage eller tause om overgrep mot trusfridommen internasjonalt, må løfta blikket og skjerpa partiprogramma.
Debatten om norsk religionspolitikk er urovekkjande oppheta og polarisert. Eg er redd for at blikket som burde vore retta utover, blir sløra når mykje energi blir brukt til heimleg debatt og til å føreslå restriksjonar mot norske trussamfunn.
Vi skulle gjerne hatt fleire allierte når historiene om overgrepa mot trusfridommen og religiøse minoritetar strøymer mot oss.
I Vietnam sit advokaten og menneskerettsaktivisten Nguyen Bac Truyen fengsla på fjerde året, dømt i 2018 utan at han fekk vera til stades i retten.
